【湊仔爸與返工媽】新曆七月
2018-09-05
「依家農曆七月，你個仔有冇異樣？」朋友問我。
哈！有呀，特別黐身，成日要我陪！但不是因為農曆七月，而是新曆七月（暑假開始）。這個暑假，阿豬媽請了幾輪大假陪阿豬遊山玩水。根據經驗，每次大假結束，都是「異樣」的開始。
相比BB時期，阿豬對「媽咪放完假」已沒那麼敏感，但總會有些反應。以往臨放完假我都會給他充足的心理準備，但今次覺得阿豬長大了不少，我就只在假期最後一晚輕輕提過明天我要上班了，爸爸會繼續帶你去玩，媽咪放工回來找你們。
就說完這一句，當晚就出「異樣」了。
半夜三更，我被一個很近的小朋友飲泣聲吵醒。一開眼，有一個人頭看著我（當然是阿豬）。
「你做咩喺度喊？」
「我……好想同你一齊……」他可是穿越了兩度房門來到我身邊說這一句。
「我同你返房，陪你一陣啦。」
於是，我送他回自己的牀，陪伴了一會，順利地取得同意，回自己房。
不知過了多久，又有哭聲在我耳邊。
「做咩？你唔係瞓咗喇咩？」
「媽咪……頭先你陪完我，我唔記得同你講bye bye呀…」
「哦……咁我再陪你一陣，你今次記得同我講bye bye喇。」
如是者，我又陪了一會，確定有足夠次數的bye bye後，我又回自己房。
還未完。