【傻夫婦】暑假京都大阪親子遊 DAY 1 |YODOBASHI/ 京都塔 (壽司工作坊)/ 錦市場】


全年適用

我地今次第一次坐香港航空,挑戰凌晨機 1:00/ 6:00 ,其實好多人會問,帶小朋友坐凌晨機OK嗎?我想主要睇小朋友,我自己連同大頭小丸,係任何交通工具都可以訓得著,而且我通常會中午返酒店休息,唔會真係直踩,而且我對 2個女好有信心,出門在外唔會扭計,唔怕佢地係飛機扭計,嘈住人訓﹗ 

今次飛機無 DELAY,過完關大約7點多,係機場的 LAWSON 買早餐比大頭妹和小丸子,就出發去買去京都的火車飛,買了 HARUKA + ICOCA 卡,大約 9:00多到京都,先到酒店放低行李,不過未夠鐘CHECK IN,換套衫就四圍行下,今次去京都真係好熱好熱﹗

首先到附近的 YODOBASHI 逛逛,就係酒店的旁邊﹗

http://www.yodobashi-kyoto.com

 

中午去錦市場食LUNCH﹗中間會經過大丸,都入咗去佢地SUPERMARKET個層行下,一路行一路忍住唔買,因為一出去就是錦市場﹗

今日天氣好熱,好彩錦市場是有蓋,兼幾好冷氣﹗

見到係京都出名的『弘』燒肉,大頭姨姨6月時去過佢地京都站前的餐廳話麻麻地,所以我今次無BOOK到,行錦市場見到有串燒食,平平地試下,左邊800YEN,右邊500YEN,可能無期望,竟然非常好味﹗必食推介﹗

帶大頭小丸去睇呢個京都錦市場『錦天滿宮』鳥居﹗

去到日本,真係求其買咩都好好味﹗

錦市場食海鮮刺身平過黑門市場﹗

第一次食雞泡魚刺身﹗原來好CHEWY﹗

就咁影相可能睇唔出,其實是超級厚身﹗

之後帶佢地去食我地HONEYMOON時食過的豆乳雪糕,想當年好多人排隊架,依家無咩人食囉﹗

阿旺係大丸買咗少少串燒返酒店食,結果佢話都係食返錦市場把啦﹗

2:00 再返酒店 CHECK IN 休息一陣,6:00 BOOK 了京都塔的壽司 WORKSHOP。

 

今次入住的是 DAIWA ROYNET HOTEL KYOTO EKIMAE,就是京都站前,地點好方便,由於我地唔自駕,所以我通常都會揀住車站附近,起碼出去玩完一日,行返酒店唔會太累﹗

係酒店休息到 4:30,見啲女完全唔想訓,我訓晏覺時阿旺開水比佢地沖BUBBLE BATH,我訓醒佢地仲玩梗水,我就叫返晒佢地出嚟換衫,同佢地落去行街,比阿旺訓多一陣﹗

去到京都塔 5:30,小丸子又話想食野,叫咗個壽司烏東SET比佢食﹗其實我地一陣就係去呢間壽司店的WORKSHOP﹗一睇佢個樣就知…佢心諗可唔可以比我食…你到底要影幾耐?﹗

我記得好似是 500幾YEN…真係好抵食﹗

今日的重點行程是京都塔的『壽司工作坊』,其實最初想去整和菓子,不過大頭妹話…佢唔會食…所以都係整壽司實際啲,整完仲有一餐食﹗大家有興趣都可以去佢地OFFICIAL WEBSITE 睇下: https://www.kyoto-tower-sando.jp/shop/guide#workshop

和菓子WORKSHOP

玻璃 WORKSHOP﹗

如果下次有機會想試下呢間,依家已經好後悔無買佢的耳環返嚟﹗

6:00 準時開始﹗

我揀咗 3000YEN 的SET,有10款刺身,再加飲品,我覺得係好好的體驗,師傅話其實去餐廳食都唔只呢個價,真是想推廣文化,師傅自己都話好抵﹗

起初大家都好認真﹗

慢慢小丸子開始亂嚟﹗

 

總算順利完成﹗

完成仲有證書﹗大頭妹話係唔係因為佢地無聽師傅講都整到,所以師傅比證書佢地﹗真是比佢激死﹗

影影下相,小丸子已經自己開始食﹗

一日有唔同時段,亦有不同SET 揀﹗但個人真是極之推薦 3000YEN 的SET,單單一件大TORO 已值回票價﹗

食完壽司,再去京都塔B1的 FOOD COURT,即係小丸子之前食TEA的地方,再食宵夜﹗

呢度都有『弘』,但無錦市場個間咁好味,不過價錢都平啲,只是280-380 YEN﹗

樣樣試下﹗

比較起上嚟,我地比較推薦間燒鳥﹗雞皮餃子,真係好正…什麼膽固醇﹑脂肪…食完先算﹗

燒烏都好好味﹗個汁超正﹗

去到日本,梗係要食生果啦﹗平時係香港買好貴,日本買又平又新鮮﹗

 

第一日完﹗

大家 like 咗我地 facebook page 未呀?未就快啲 like啦﹗


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

2日1夜 珠海親子遊 入住長隆飛船酒店 暢玩全球最大的海洋主題公園|安妮媽媽親子日記
港車北上親子遊 |佛山Snoopy主題樂園 逼真呈現漫畫主題世界 騎馬/開挖掘機/餵小動物 適合初小及幼稚園小朋友
高雄親子遊|日本唯一海外授權主題樂園 高雄鈴鹿賽道樂園 齊做飄移小車手
沖繩兒童王國 新開園區/騎馬+餵動物體驗/每月不同特色主題 沖繩親子旅遊必去景點
深圳親子遊|超過5千呎PlayHouse 試做小小洗車員/汽車維修員/消防員
深圳野恩動物樂園 不限時遊玩低至$99/位 萌寵撫摸餵食零距離接觸︱親子好去處
查看更多   ▸