×

Home

 

廿四孝熱話文章打印

來自網址: http://www.ohpama.com/?p=348157

爸媽雞湯 October 12, 2018

【父母反思】「親子」比賽,不要剝削孩子的創作空間

和牛B開學只有一個多月,學校已經進行咗兩份「親子」集作。
 
我同和牛B已經一齊經歷了「親子中秋環保花燈設計比賽」及「親子填色比賽」。
其實我好鍾意做手工、畫畫,所以自己都好期待呢啲活動。
 
但係,雖然話係「親子」,但作為家長都要好好控制自己嘅能力同埋才華,我哋係唔應該因為一己私慾,而剝削孩子嘅創作空間。
 
唔知大家仲記唔記得,大概上年有一個填色比賽。
冠軍得主係一個三歲嘅小朋友,作品絕對係神作,亦成為佳話。
 
參加比賽贏到固然好開心,但係如果係小朋友嘅比賽的話,家長最好留返俾小朋友自己參與多啲,在旁協助一下就足夠了。
 
我對於「親子」比賽嘅睇法係,大會期望家長可以抽出時間同子女一齊落手落腳去完成一件作品。想父母同子女之間,多啲溝通,而並非創造神作。
 
所以當我收到第一個親子比賽回條嘅時候,我都係抱住要設計得簡單啲,可以俾和牛B參與到製作嘅作品。
 
最後,我用咗兩個唔同大細嘅汽水樽,而要用界刀同埋熱溶膠槍嘅部分就交俾我做 (因為有危險性)。
 
然後,上色、裝飾部分我就全權交俾和牛B去負責。
 

落手落腳去做自己嘅作品,和牛B顯得非常專心。
 

從上色去到裝飾,都係和牛B去做。所以,佢自己都好鍾意個環保燈籠。
 
 
完成嘅作品,你話係咪好靚? 我覺得唔係。
但至少老師問和牛B「你負責邊一部分?」嘅時候,和牛B可以拍晒心口同老師認個叻。
 
而最後係我意料之外嘅事,就惟我哋獲得「最佳創意獎」,呢個獎對和牛B嚟講絕對係一個鼓勵。
 
另外,對於親子填色比賽,我覺得比較難受,因為我以前修讀美術科。
但係和牛B就只有3歲,又無正式學執筆。
所以填色填出界好正常,用色配搭方面都會出人意表。
但我只能忍耐,唔插手。
 
 
贏輸都唔係重要,最重要我好想佢明白參與嘅過程。
 
最後,我只係喺背景到幫和牛B畫咗啲花花同心心去裝飾。
 
 
記住,「親子比賽」唔係叫父母去表現自己嘅才華呀…
 
 
————————————————–