玩Trick or Treat隨時中招 萬聖節小心拎錯大麻糖
2018-10-20
玩Trick or Treat隨時中招 萬聖節小心拎錯大麻糖
萬聖節就到,好多小朋友都鍾意玩「Trick or Treat」拎糖食,但係隨住加拿大大麻合法化,家長要小心子女唔小心食咗含有大麻成份嘅糖呀!醫生話細路仔誤食大麻後,產生精神錯亂嘅機會較成人大,而且大麻喺香港係犯法㗎。
加拿大日前宣佈將消閒用大麻合法化,係繼烏拉圭之後第二個將大麻全面合法化嘅國家。去過荷蘭嘅人都知,商家生產好多唔同嘅大麻副產品,例如大麻糖、大麻朱古力、大麻蛋糕等等,包裝同普通零食無異,去呢啲地方旅行嘅人有時會買嚟做手信。
萬聖節就到,好多小朋友都鍾意玩「Trick or Treat」拎糖食,家長就要留意糖果包裝上面有冇「THC」、「Cannabis」等代表含大麻成份嘅字眼,如果有,記得千祈唔好畀細路仔食。