【Yennie】跟小朋友說話的技巧
2015-12-02
小朋友講嘅野,絕大部份都係學我地大人架!(其他都係睇電視學,所以要小心選擇!)
我地同小朋友講野,都要有相當的技巧:說話要正面,不然會影響小朋友的自信,亦要小心說的話可能會產生小朋友妒忌!
想小朋友聽你話,先要問下自己,佢同你講野時,你有停低聽佢講野嗎?好多時小朋友講嘅野好似好無聊,大人覺得唔重要,但係佢地嘅世界,可能係好重要的!小朋友唔識分輕重,你就要慢慢教佢乜野係重要,重要到要即刻同你講;乜野係唔太重要,可以遲D先講。小朋友累積到一定的生活經驗,慢慢就會學識事情的輕重。
你想小朋友乖乖聽話?咁就要睇下你嘅想像力有幾豐富啦!
例如小朋友唔肯上跳舞堂,試下唔好講「唔好咁曳唔上堂呀!媽媽比晒錢㗎啦!」可以試下「仙仔同公主都上跳舞堂架!如果你唔上跳舞堂嘅話,咁你下次去迪士尼咪無得比D公主睇你跳得幾好囉!」
又例如我係房餵緊奶,漏咗舒韻張Blanket係廳,想叫兩個女幫我拎,如果我話「你可唔可以幫我落樓下拎舒韻張Blanket呀?」佢兩個好大機會唔理我!但如果我話「你過黎呀,我有個秘密任務比你做呀,做完舒韻會好開心㗎!」兩隻野會即刻撲過黎爭住做架!
呢D技巧對於生於香港嘅我,仍然係好陌生,都係老公教我的,我都仍然練習緊:)
希望大家都有所得著,一齊努力呀!
即Like Oh!爸媽Facebook,登記成為Oh!爸媽會員,緊貼第一手親子資訊。