×

Home

 

廿四孝熱話文章打印

來自網址: http://www.ohpama.com/?p=352671

名人專訪 October 25, 2018

【黎瑞恩重拾快樂人生】 只做開心又好玩嘅事

45歲的黎瑞恩(小恩子)近年重返歌壇,2016年出Hi-Fi碟《感恩Vfresh》,2018年8月又推出《V Touch感動》大碟。緊張事業外,小恩子亦非常關心社會,之前便帶頭去鋸樹為風災善後,又「找數」和年老父母同遊絲綢之路,實踐開心做人的承諾:「做人要用開心態度面對,成日話辛苦咁就好辛苦;相反就會日日開心,呢刻我會選擇後者嘅生活態度,所以我真係好開心。」

黎瑞恩在新碟《V Touch感動》中翻唱劉德華《如果我有事》、杜麗莎《仍然記得嗰一次》及林一峰《重回布拉格》等8首金曲,另外收錄《黎瑞恩感恩有你演唱會》主題曲《大個唱》及新歌《剩下光年》等,小恩子興奮地說:「呢張唱片真係好超值,因為附送埋卡拉OK碟,雙CD只係單碟價,而且仲分別喺香港、台灣、泰國三地錄音製作,德國壓製。翻唱人哋嘅歌冇乜壓力,始終男女演繹技巧同情感都唔同,我盡量運用靚聲,好俾心機去唱,唱完都有Send俾老師杜麗莎聽,佢聽完好開心呀,評語係好sweet。」

雖然是單親媽媽,兼且胰臟有兩個良性瘤,健康麻麻,但小恩子目前生活得開心又滿足,「凡事要向好嘅一面諗,可能有啲難題唔會一朝一夕解決得到,咁咪放埋一邊先,第日或者有第二個方法處理呢,愈擔憂個人就會愈沉重。好似我咁,仔女正值青春期總會反叛同駁嘴,有時真係好嬲,唯有盡量用朋友角度出發同佢哋溝通,或者用嬉皮笑臉態度回敬佢哋,有時都會同自己講:『細個自己都係咁啦,真係報應喇!』依家我會做有意義同開心好玩嘅嘢,明年會幫高爾夫球會做更多事,而且要為細仔浩儒喺澳洲準備學校,所以留喺香港時間唔多,大家又唔使擔心我會再消失樂壇,因為科技發達,我會保持開live唱歌嘅。」

採訪:方騫平

攝影:李權威

化妝:Meegan Seak

髮型:Steve @ HAiR

場地:富豪九龍酒店

 

頭條日報授權轉載