【僑蛋.搗蛋】如果無生到BB你呢家會做緊咩? 如果時光可以倒流你仲會選擇做媽咪嗎?
2018-11-01
有時我係到諗如果我無生過僑蛋我會係到做緊咩?
番緊工?打緊機?食緊飯?行緊街?飲緊酒?
係未有僑蛋之前,我係寫字樓番工,我最大既嗜好係:打機,食野,行街。
一到假期就同朋友行下街,食下飯,其實日子都過得幾逍遙。
直到僑蛋既出現….
僑蛋係我同老公期盼左好耐既結晶品,我一直好想要個小朋友,聽人講湊小朋友好辛苦,換片,喂奶,氹訓教…所有野我都有心理準備,但天真既我忘記左仲有其他因素。