【神奇的母乳】母乳浸浴可紓緩濕疹?

2018-11-14


世事總是令人意想不到,當你以為失去,萬般不願又無奈的時候,原來上天一直眷顧着你,讓你獲得的比失去更多。Debbie對以上一番話尤其深刻,一向以母乳餵囡囡的她,突然發現自己生病須入院治療。對於一段時間未能給囡囡餵母乳,Debbie感到無奈。但竟然,出院一刻,發現囡囡的濕疹好轉過來……

為了囡囡當起全職媽媽

今年1月,Debbie經歷了14小時催生,終於誕下囡囡澄澄,為了照顧澄澄,5月尾決定辭工做全職媽媽。6月頭搬屋時,一次意外令她暫停餵母乳,「唔小心被囡囡嘅沖涼盆扑中頭,頭痛、頭暈咗成晚,第二朝去咗私院做檢查,腦掃瞄、神經測試、驗血驗小便通通做晒,個腦無受傷,但發現患咗肺炎,醫生要我即時入院,住院第二天仲突然咳出血。」Debbie須注射及服用抗生素,在醫生建議下,唯有暫停母乳餵哺。

住院期間繼續泵母乳

Debbie憶述當時有位護士跟她說,如想康復後仍能餵母乳的話,住院期間要繼續泵出母乳,但不能給女兒飲用。「我好聽話,照護士吩咐去做,第一日住院泵出800 ml母乳,家人探我時把這些不能飲用嘅母乳攞番屋企俾澄澄沖涼。」住院期間,Debbie只可透過視像見囡囡,好不容易等了7天,終於可以回家。「入屋洗手後第一時間抱起澄澄,7天了,我等了7天,我問澄澄『你有無掛住媽媽?媽媽好掛住你啊!』佢對住我笑,笑得好燦爛。」之後Debbie仔細望澄澄臉、手和腳部的關節,濕疹竟然全都淡了。


▲Debbie最開心見到囡囡的笑臉。

母乳浸浴減淡濕疹?

Debbie心感疑惑,向照顧澄澄的婆婆問個究竟,「原來佢喺我住院期間持續幾日俾澄澄用母乳浸浴,濕疹漸漸減褪了。」之前她用過芫茜水、金銀花浸浴,又用了好幾個品牌的濕疹膏都沒有效果,母乳郤能紓緩了濕疹,不禁大叫:「太神奇了!」

出院後Debbie仍須服用5天抗生素,要待7天才可再次餵母乳,在這19天裡,囡囡一直用母乳浸浴。「到第20天,我再次餵澄澄母乳,佢飲得好快,感恩佢仍然喜歡飲母乳。」

餵哺母乳需要恆心和愛,Debbie誓言以後一定更注重自己健康,希望可以陪囡囡走更遠的成長路。「當你見到BB健康快樂成長,你會覺得所有付出都係值得嘅。」祝願各位準媽媽和母乳媽媽在母乳路上一切順利!


▲囡囡澄澄現時8個月大,除了Debbie生病的十數天,其他日子都以母乳餵哺。

如果同Debbie一樣,餵母乳及處理濕疹時遇過不同挑戰,立刻登入https://bit.ly/2SP3lme,除咗睇到其他媽媽嘅故事,可以留言分享吓、交流吓心得,仲有營養顧問嘅專業意見添!現在分享你和BB首1000日的動人時刻,還可獲贈NUTRICIA多用途布袋乙個,先到先得!

 

營養顧問給媽媽的專業支援

除了在平台看其他媽媽的分享,NUTRICIA首1000日營養專家會在平台回應媽媽的提問,解答有關營養及育兒的疑問,就不同媽媽面對的問題,提供專業且適切的方案,陪伴爸媽渡過首1000日的難忘時刻,做爸媽強大的後盾。

值得一提,以上方法純屬個別媽媽的經驗及提議,每個BB患濕疹的原因可能不同,因此媽媽處理BB濕疹前應向醫護人員了解更多。

想知更多懷孕、其他專業育兒及營養資訊,立刻登入https://bit.ly/2QmS22X

延伸閱讀—了解母乳

 

熱門文章

BB要抱住先肯瞓覺點算好? 把握黃金時間 7招建獨立睡眠習慣
06-05
0至6歲理想生長速度表 幼兒半年至沒有增重/長高 或是生長遲緩︱幼兒成長
03-04
媽媽分享︳ Trouble 2 的確好麻煩又難湊 女兒大了全部麻煩竟變甜蜜回憶
02-11
改名|新生嬰兒改名的4大禁忌
11-14
BB來臨了 ! 10幅向大眾宣布喜訊的幽默 相片
05-18

【早產有咩好怕?】大粒細粒 依生長線成長就得!
2018-12-12
【二寶大不同】Trouble Two哥哥與Trouble Too妹妹
2018-11-28
【母乳媽媽的堅持】只要對BB好     一切都值得
2018-10-31
【有BB?冇BB?】囉囉攣的30日
2018-10-18
【全職媽媽有話兒】育兒路上的快樂回憶
2018-09-07
【佛系波媽孕吐記】緣分到了BB就攝取到營養?
2018-08-28
查看更多   ▸