【大仁】Café & Meal MUJI@海港城

2015-12-04


放假的晚上,當然就是出動覓食的好時機!我早上跟阿太說:「無印Cafe係尖沙嘴開咗分店,不如今晚去食囉!」

我續說:「不過好似係海港城,呢家食齋㗎喎…」SY搭嘴:「吓?我唔鍾意食齋…(我:不過佢哋啲蛋糕好好食㗎喎…)好呀!好呀!我鍾意食蛋糕㗎!」

晚上走到海港城4樓,重新裝修的無印更加有日系感覺,走入店的左手邊,就是全新的Café&Meal MUJI。

望了一下餐牌的阿太,很得戚對我說:「你又話食齋?人哋有雞、牛、豬、魚…你唔係見到人哋寫「素の食」就以為食齋呀?你仲話讀過日文喎!『素』係原味咁解呀…」

心諗:「車!一時唔偷雞啦妳…懶叻!」快快想轉個話題的我:「阿,原來有兒童餐喎,仲有橙汁,你要呢個好唔好?」

SY看到隔離枱的漢堡包薯條,他又想吃…本來我想拒絕,但很有趣,漢堡包中間的不是牛肉,而是燒大菇。(嗱!我都話係齋啦!)

薯條怪第一時間搶薯條食,之後說:「嘩!爸爸,你個包好香!」對,我也覺得大菇燒得非常香噴噴,而且配上面的沙律,望住個包,我腦海忽略想起6個字:「好可愛呀衰鬼!」

銅鑼灣分店是自助形式購買,而這裡則是餐廳落單點食物,嘩!8個冷盤、9個熱食,今晚我們各選兩款,真的心大心細還未決定得到,差不多吃完兒童餐的SY:「你哋仲未揀到呀?」

四品料理$108,全晚最最最驚喜 (絶對Juicy過城城公開戀情),一定是「腐竹長芋豆乳雞湯」。

好純、好足料、好入味、好令人懷念、好有阿媽Feel,就是這杯雞湯的「飲後感」。SY:「豆漿咁多渣?」(大佬,你真係唔識貨,呢啲叫真材實料呀!)

SY好開心:「有雲吞呀!(我:你試吓)」不愛吃菜的小朋友,當然不太喜歡。

不過,腐竹包菠菜變成一隻另類湯餃,配上超濃忌廉味,雖然味道不是一試難忘,但忽然覺得這隻湯餃,溫柔過傳統的多多聲喎!

PS:佐飯恩物「燴牛肉」,我忘記單獨拍照,激淋!平時肉眼都嫌韌,無牙的SY,也撻了我一整舊來吃…

阿太突然「喂」我:「你一定要試份黑醋豚肉,惹味到呢!好食,真係好食…」(不過我鍾意「燴牛肉」多D…出色好多)

洛神花茶及生薑熱飲 ($42) 一樣放入半個雪梨,男人老狗不愛花茶,而經常薑茶當水飲的我,今晚發現原來薑茶入雪梨,開心過齋薑茶多多聲㗎喎!

之後便是SY最愛甜點時間,宇治抹茶紅豆泡芙、士多啤梨棉花糖、迷你酥皮鮮果撻…

泡芙皮略嫌硬了一點,不過SY不認同:「最好食就真,因為入面個啲嘢好似雪糕咁好食!」(車!你個甜品怪,又係雪糕怪,費事理你)

我愛那個菠蘿撻,因為真的將原隻菠蘿入撻,而且這裡的撻就算夾菠蘿夾忌廉一樣輕甜…好正呀!

甜品怪投訴:「咁少嘅,又話有蛋糕,可唔可以再食呀?」店員推介:「本和香糖布甸蛋糕, 聖誕限定㗎!」正在偷笑的SY:「布甸好呀!我最鍾意布甸狗麻。」(阿囝…唔係乜都布甸狗嚟呀!)

一邊食一邊眼都會笑的小朋友:「布甸真係好食!爸爸,原來出面係白朱古力嚟架,超好食呀!」(你鬼識食啦…不過車厘子慕斯酸酸地,夾布甸又真係幾吸引嘅)

捧住肚離開Cafe,阿太大叫:「好飽呀!」我對囝說:「呻飢莫呻咩呀?」SY:「『飽』…不過真係好飽(我:梗係啦,你甜品都食咗咁多舊)食剩你會話我喎!」(你真係多辯駁)

Café & Meal MUJI Harbour City
電話:39713220
地址:尖沙咀海港城海洋中心4樓

 

作者:大仁生活

即Like Oh!爸媽Facebook,登記成為Oh!爸媽會員,緊貼第一手親子資訊。

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

楊思琦11歲大女遺傳爸爸顏值運動細胞 參加武術比賽勤練習身手了得
2024-03-29
媽媽街頭穿羊水等不到救護車哀號求助 熱心男神救援幫接生脫衣包BB
2024-03-29
陳展鵬愛女小豬比5歲生日! 廿四孝爸爸大搞Party慶祝 全因囡囡9個字願望
2024-03-29
9歲男孩每年亡母生忌帶蛋糕拜祭 「想和媽媽慶祝生日」孝心感動網民
2024-03-29
黃美棋結婚丨昔日童星被搶先披露婚期 親回公司派喜帖心情靚爆
2024-03-29
國產兒童「近視神藥」阿托品開售 醫生提醒不能盲目擅使用
2024-03-29
查看更多   ▸