【帶寶去旅行】執行李、搭飛機注意事項
2018-11-15
計劃好長假期帶小朋友去邊到玩未?
我哋第一次帶和牛B去旅行嘅時候,和牛B大概2歲。
而去旅行到國內、澳門或搭飛機去玩好多日,要準備嘅嘢亦都好唔同。
另外就係寶寶,係每個階段去旅行都要帶唔同嘅嘢,同埋準備。
至於旅行上,最擔心嘅事又點解決呢?
寶寶太細搭飛機,好怕佢會喊唔停嘈到人、耳仔痛,可以點做?
飛機起飛或者降落期間,如果BB係清醒嘅話,俾佢食嘢/ 飲水/ 食奶嘴可減低耳仔痛情況。
而我盡量安排上飛機後,俾和牛B飲奶,飲完奶瞓覺。
搭飛機想開奶,無熱水咁點算?
你可以向機艙服務員要求熱水作開奶之用;另外,如要用熱水將母乳加熱,亦可以搵機艙服務員會協助。
不過,要留意機艙服務員係不可以協助冷藏母乳。如果媽媽要帶備雪藏嘅母乳,要留意需保存喺冰袋或真空瓶入面,並自行攜帶冰種或乾冰(不超過2.5公斤),以及須妥善包裝讓二氧化碳氣體自由揮發。
如果搭長途車,怕寶寶坐得太耐唔耐煩又可以點做??
盡量安排瞓覺時間上車,又或者食奶瞓覺。
因為搭車我唔太建議俾小朋友睇Youtube/手機/平板電腦。
另外分享一下我自己嘅執行李小經驗,俾大家參考一下。