【診所低能奇觀】5小孩邊等醫生邊玩放屁 突然傳出『呠』一聲......
2018-11-19
常言道,「努力工作,盡情玩」(Work hard, play hard)。但有時候,玩得太盡情、認真也未必是好事。近日,Facebook專頁診所低能奇觀就分享了一則由5位小朋友合力炮製,無替身、有聲、有畫、有味道的「認真便輸了」故事。
作者講述某天朝早,父母如常帶小朋友嚟登記睇醫生。在等看醫生期間,家長玩手機,小朋友就圍在一起玩玩具。當中就有5個互不相識的小朋友 (ABCD) 圍在一起,其中A小朋友突然興起,挑戰大家用屁股發出『呠呠』聲模仿放屁。B小朋友只能用口發出『呠』,C小朋友見他「作弊」,便說:「要用patpat出㗎!」A小朋友也用口連續『呠』了幾聲,以示難度太低。
就在大家玩得興起之際,突然傳來『呠』一聲巨響。「E伸到條頸長一長,頭仰望天際,雙手握拳,個樣非常認真:「『我都得呀!』」。ABCD小朋友立即望向聲音源頭,即E小朋友,「ABCD大家互相望望對方,再一齊掩住個鼻四散…」原來,E小朋友假戲真做,撒了一褲子大便,「淺灰色長褲充滿了深灰色」。
家長們也似乎嗅到,E小朋友的媽媽立刻放下電話,對他說:「你搞咩呀?」
那時,E終於知道自己不只是放了一篤屁那麼簡單,頓時大哭「嗚呀~~~~~」
媽媽也方寸大亂,「曲起單腳踩上櫈上,再抽起E,將E個屎忽對正自己膝頭」,似是想把大便放回原位。事敗後,再望着診所姑娘大叫:「姑娘姑娘,我個仔屙咗屎呀!」
最後,尷尬到極點的媽媽只好「急急腳離開診所,一邊行一邊講:『人哋玩關你咩事呀?放屁瀨咩屎呀?駛唔駛認真成咁呀你?呠』」E小朋友就繼續哭。兩母子自此就再沒有回來。
ABCD小朋友亦沒再玩『呠呠』遊戲,「診所內瀰漫住一陣異味同死寂」。
此文一出,網民都笑翻了,紛紛笑說「隔住個mon 都聞到陣味🤣」,有的則提醒,說:「屁唔可以亂放架」,「所以要練(吓)個開關」。在一片「食花生」的氣氛中,也不乏好心人,有位網友就語重心長地說:「其實玩都咁認真呢 係好事黎嘅 不過小朋友未識諗後果啫 同埋要媽咪執手尾。」
來源:診所低能奇觀