相隔5個月, 挪亞方舟我們又來啦!! SY問我:「係米又可以做警察射槍呀? 我好鍾意射槍架」(我: 唔係呀, 今次係去學做聖誕老人派禮物喎)
SY想了一回:「不過…我做聖誕老人派禮物??, 咁我仲有冇禮物收架?」, 這真是一個好問題.
自從4年前聖誕, 我一人分飾爸爸, 與聖誕老人兩角之後, 年年也要送兩份聖誕禮物給他, 不過, 我覺得純真小朋友, 才會相信世上有聖誕老人, 所以我不想打破他的純真, 如果今年阿太可以跟我分擔一下, 就更完美啦!
雖然, 我不知道聖誕老人與Mr. Men 及Little Miss有何關係, 或者真的十分老友記, 不過挪亞方舟可以合照, 集郵怪又怎會放過機會.
《Mr. Men Little Miss馳騁冬日城》, 小朋友要做學神聖誕老人, 駕車送禮物…
我問工作人員:「聖誕老人唔係著紅色衫咩? 綠色係米扮鹿呀? 」, 工作人員答:「係綠色小助手, 唔係鹿」
自遊易更要讓小朋友學識正確道路交通安全態度, 不過7歲的小朋友駕駛BB車, 實在有一點難度, 而且天氣太熱, 最後SY轉了會, 過了另一時段玩大車.
踏單車形式的大車, 對中童來說, 興奮得多…SY:「直情好似迪士尼揸車咁好快呀! 媽媽…我再去轉多圈, 你影我啦!!」
(註: 大車為6歲以上小朋友, 細車則是5歲或以下駕駛, 兩車也分不同時段, 記得玩前要睇清楚呀!)
熱辣辣的戶外活動後, 哈哈!! 之後便輪到室內的《日夜反斗大冒險》, 可以與聖誕老人真身全接觸…
小朋友要分成兩組, 在障礙物中搜索禮物, 層層疊放在禮物車上鬥高鬥穩定. 有得玩的SY, 發了狂一樣…本來聖誕老人指示, 每次只可以拿一件禮物, 結果他一口氣拿出一棟禮物, 犯規啦!!
完成日間送禮活動, 便嘗試晚間派禮物, 今次人人也要聽從聖誕老人要求, 一切要寧靜為主, 絶對不可以嘈醒熟睡中的小朋友…嘩!這三分鐘的「清靜」, 簡直令大仁非常享受…我愛你聖誕老人, 竟然可以令8位小朋友, 一粒聲也沒有發出. 勁正!!
之後的長頸鹿及小丑Twins表演, 究竟和聖誕老人訓練有何關係, 我並不知道, 但SY就堅持這是晚間派禮物的任務之一喎.
這個<泡泡魔幻派對>, 每位小朋友輪流走入超巨大番梘泡入面…正常小朋友一發現番梘泡就會瘋狂, 更何況這個「人咁高」的泡泡, 其實, 連我都想走入去玩呀! 小丑哥哥.
《笑瞇瞇廚藝學堂》學做 Mr. Men Little Miss Cupcake, 不過我想阿囝遺傳了我們「無飯」的基因, 因為做蛋糕如此靜態的活動, 他真的有少少呆呆滯滯, 心不在焉.
他忽然問阿太:「聖誕老人點可以一晚派晒所有禮物畀咁多個小朋友呢?」, 阿太:「所以佢要搵助手, 同淨係派畀D乖嘅小朋友囉, (囝:佢點知我乖唔乖啫?), 你做蛋糕先啦…Er…Er…因為佢會問晒所有爸爸, 媽媽, 咁米知囉」(點解小朋友咁多嘢問呢? 好彩唔係問我啫)
好快又到最後一個遊戲, <動感聖誕劍術樂>…嘩!論武功俗世中不知邊個高, 每一位小朋友換上劍擊戰衣, 不過, 小朋友唔係叫你跳舞呀…唔駛chok樣喎.
問題少年SY:「點解送禮物又要打劍呢?」阿太:「練反應呀! 如果你派派下禮物, 被小朋友發現, 你都可以快快走人, (囝:我唔可以畀佢哋見到咩?), 頭先聖誕老人米教你哋要靜雞雞囉, (囝:係喎)」
這位好勝的SY, 好得人驚, 不停向教練篤篤篤篤篤…因為情況過於嚴苛, 連相機也沒有電, 在更換電磁後, 訓練又已完結. 所以未能呈現真相….可惜!!
SY還很開心, 以為自己真的可以成功進擊, 而不知教練們不攻不避100%讓你呀. 每次去挪亞方舟, 這位小朋友一定會玩盡自己每一分精力, 所以一上穿梭巴士, 9.9秒之內一定睡著. Yeah! 成功完成一日任務, 明年你可以兼職去幫聖誕老人啦!! 自己賺錢買自己份聖誕禮物!! Yeah!! (我可以慳返晒…正)
挪亞方舟x Mr. Men Little Miss童樂聖誕城
日期: 2015年12月5日至2016年1月3日(逢星期六、日及公眾假期)
時間: 上午10時至下午6時
網站: 詳情請參閱http://www.noahsark.com.hk
入場費: 成人HK$168；小童及長者HK$138 (入場後免費參加)