盧宛茵《BB來了》演野蠻奶奶獲激讚 《萬千星輝》獲專業演員大獎

無線《萬千星輝頒獎禮2018》頒發一直保密的專業演員大獎，即場叫黎諾懿上台頒給《BB來了》劇中的媽媽盧苑茵；第二位頒獎嘉賓黃智賢就頒給好友鄭子誠；第三位由陳展鵬頒給歐瑞偉。三位得獎者都獲全場歡呼，一眾入圍候選人起立致敬。

識睇．一定係睇盧宛茵

是咁的，因為改編自網上潮文《女朋友帶你返屋企食飯》的短片《公屋潮文》，Madam Lo盧宛茵近日成了網民熱捧對象，個個大讚她在片中那個「白鴿眼女友阿媽」的變臉演技超卓，為整段短片生色不少。

她入行四十年，從day 1開始，她便已經「做人阿媽」，「七三年我做《朱門怨》嘅『二少奶』，係張圓圓（張德蘭）嘅阿媽。」此後，不同類型的阿媽角色，她都幾乎演繹過。「嘩！演過幾多次阿媽，真係唔記得咯！『阿旺』（《戇夫成龍》及《阿旺新傳》）嘅慈母啦、《魚躍在花見》嘅惡婦（敖嘉年劇中母親）啦，仲有《卡拉屋企》搞笑嘅（黃家母親）都做過，哈哈哈！總之有得畀我做，我就好開心㗎啦，因為我真係好鍾意演戲！哈哈哈！」是真的，Madam Lo的確好鍾意演戲，就如這天拍照，我們希望她再次演繹短片中那三個變臉表情出來，她即對着鏡頭戚戚眉、抿抿嘴，然後再來一個四萬咁嘅口，七情上面，在冇對白、冇對手的情況下，發揮其「由外至內、再由內至外」的精湛演技，簡直冇得輸！