【和牛B】幼兒健康︳保護眼睛健康，你要知。保護眼睛「遠離電子奶咀」
2018-12-19
一直以來我哋對於「電子奶咀」，都係嚴守防線。因為我自細已經係戴眼鏡，而家直情係大近視。所以我係好唔希望，和牛B好似我咁，細細個就戴眼鏡。
而我哋今年因為有懷疑過和牛B（3歲）有斜視眼，所以都已經去咗眼科專科醫生驗眼。驗眼報告係無近視、無斜視、無鬥雞。
見專科醫生診斷為正常，我哋就打算安心等到和牛B四歲，去衞生署家庭健康服務嘅「學前兒童視力普查」。
衞生署家庭健康服務專為香港4歲或以上嘅學童，進行「學前兒童視力普查」。
而服務會由註冊視光師/視覺矯正師會為學前兒童檢查，項目包括視力雙眼協調（包括斜視），但不包括色覺檢查眼疾（如青光眼、視網膜病變等）評估近視、遠視或散光嘅度數。
