【荔枝孖媽】提升手眼協調、加強小手肌小遊戲﹕穿條飲管頸鏈
2018-12-20
有無諗過飲管用過,即棄真係好浪費,其實我地而家都已經轉用可清洗的不綉鋼環保飲管,但之前大肚時日日飲兩盒屋仔奶,當時真係儲埋好多飲管,到4年多之後仍然唔捨得掉咗佢,其實飲管除咗可以用嚟飲野之外,仲係訓練小手肌嘅好幫手!
你知道嗎?訓練小手肌意思係指嬰幼兒2隻小手嘅力量、靈活性,同埋協同合作嘅技巧能力。之前的文章都有分享過生活上好多學習,同自理能力就好似書寫、自己食嘢,其實都係同小手肌有關,如果我地平時好少俾小朋友有小手肌操作的機會,會導致佢哋做好多嘢都會做得唔夠精細。
相信每個父母都希望自己的小朋友都可以好好執筆。其實喺學寫字之前,我好主張同小朋友玩一啲小遊戲嚟加強佢地小手肌的能力,二來一齊玩遊戲又可以增加親子時光。
今個星期的小遊戲就係「穿條飲管頸鏈」。
需要預備的材料亦很小跟簡單;
1. 飲管幾支
2. 一條繩子