【冬甩媽媽】孕期裏值得記錄的10個甜酸苦辣moments

一、驗孕

姨媽差不多應該要來的時候就開始密密驗孕，太早驗又失望幾日，姨媽真的來了更是沮喪。翌月姨媽不來兼發現綠D（網路上稱大衛牌驗HCG嘅試紙做綠D，D for David）不是絕對白板，不過又懷疑有否睇錯。拎住條綠D係咁喺燈光下睇來睇去，又上載到討論區叫盟友幫手睇。結果還是跑去買支會直接顯示pregnant 字樣嘅電子驗孕棒確認一下。確認無誤後立即上討論區找同月預產的盟友join個whatsapp group。

二、跟進綠D加深

懷孕初期好擔心bb有冇好好黐實媽媽，因為呢個時間流產率很高，所以日復日地跟進綠D有冇加深。至少隔日要記住驗一驗第一次小便，如果當日試紙的顏色線沒有加深，就頓時緊張起來，馬上拿試紙拍個照，把近幾次的試紙對比圖傳到whatsapp group，大家就來個集體photohunt。