【慈慧幼苗】以「撤去享受」減少孩子不當行為

上星期，看見朋友的面書上載了她與其兩歲兒子的合照，相片中她正在錫錫兒子的手，立即引起一班朋友的熱烈討論。

朋友A留言：「睇見你同仔仔咁Sweet，真羨慕。」

朋友B和應：「係愛呀！」

朋友C反駁：「睇真啲，你仔仔好似唔多開心喎，係咪發生咩事？」

於是朋友終於開金口，道出真相：「朋友C你真係觀察入微，其實前一刻佢發緊脾氣架。事緣係我仔仔最近成日都打我，佢每次打我，我都會錫佢手仔一下，咁佢就會停止，萬試萬靈，所以我影張相作證明。」

朋友A再留言：「咁你用呢個方法係咪正確架？」

朋友C好奇地問：「你知不知佢點解打你先？」

我看見大家「轟炸式」的留言，令朋友百辭莫辯，看見朋友已經不再回應，心知不妙。不過，朋友很快便上載另一張一家人去郊遊的開心親子相，獲一眾朋友「讚好」，大家似乎淡忘之前的留言了。