半年前, 過來中環海濱重溫「荔園」的浪漫, 今日同樣為玩遊戲, 因為有為期67日的AIA歐陸嘉年華.
八卦佬問門口的工作人員:「其實你哋同荔園都係差唔多」, 忠心護主的工作人員答:「我哋淨係個Starflyer都剌激好多啦, 仲有佢哋掟嘅公仔主要係動物, 我哋靚好多」
今日我可以同豬仔, 及Charlotte兩位年青人齊齊玩, 感覺勁年青…
與年青人一齊玩, 有個非常好處, 便是太激的機動遊戲也有藉口, 「哎呀! 你暫時未夠高玩喎, 不如玩其他好唔好?」(老仁家心血少, 唔嚇得呀!)
所以今次Oblivion洗衣機, Mach 5螺旋槳, Atmos Fear流星鎚太恐怖啦, 全部可以避之則吉, 今日100%親子輕量級玩盡AIA.
會嚇到心都離一離的成人版「海盜船」, 一定不敢走近, 所以第一關我們揀了BB版「海盜船」, London Bus.
不要以為巴士很水皮, 其實對於細膽的我來說, 一樣揈得出乎意料之外…逆時針揈完, 工作人員說:「More」, 再來順時針…暈暈地, 驚驚地, 唔想太離地, 我想快快著地呀!
（3個代幣）
大笑度: ★★★☆☆
好玩度: ★★★☆☆
原來輕量級也有不能少窺遊戲, 所以被Charlotte形容為最好玩的綠色毛毛蟲, (Apple Coaster)我要避席一下. 不過聽到她們笑聲, 叫聲, 有理由相信好玩度一定不瞬London Bus.
（3個代幣）
大笑度: ★★★★☆
好玩度: ★★★★☆