【張慧敏】32歲的處男

三年前有對中年夫婦，因為三歲兒子手指長倒刺幾個月，去急症室求醫，還有顏面埋怨投訴要等9個多小時。以為經已夠變態離譜？真正一百歲唔死都有新聞！剛剛又發生了一件奇事，我以為我見慣世面還有甚麼見怪不怪的？我只能說這個地球，已經無法控制阻止腦殘怪獸症的瘋狂蔓延。不管從事甚麼行業崗位職位，只要是正常人，必須盡快學習適應以不變應萬變，面對處理種種不正常才是正常的正常，否則不是心臟病發就是很快吐血身亡。

剛剛在面書一個專門公開『不正常人類行為』的專頁，有一個匪夷所思大開眼界，群情洶湧踴躍留言的post。話說有阿媽，帶着兒子去診所求醫。先賣個關子，睇完以下內容大家就會知道其實根本冇得醫，放棄治療放過我哋算吧啦！睇醫生當然先要登記，登記當然要有身分證，阿媽話兒子只是細路仔，冇帶身分證。姑娘問阿媽亞仔究竟幾多歲？原來經已32！ 32歲人帶身分證出街乃係法律規定，醫生說不需要登記都應該要帶在身。阿媽堅持要登記睇醫生不果，大發雷霆在診所叫囂，是因為雖然32歲但還是個處男，不是細路仔是甚麼？聽講話全個診所的人都爆笑，難得的是當事人坐在一旁老僧入定低頭打機置若罔聞。