【趙榮德】與「包頂頸」家長談選幼稚園策略
2019-02-15
有一家長說想我指點她一個實用的選幼稚園策略,我見她似乎一片誠意,便給她逐一介紹。誰知家長偏見甚多,很難「服待」,最後出到「皇牌」,才能把家長說服,以下為我們談話內容:
趙為本人 家為家長
家:趙sir,可以介紹一啲實用的選幼稚園策略嗎?
趙:可以,一般人都用以下幾個:一為上網瀏覽你心儀的幼稚園網頁,睇吓學校嘅辦學宗旨,課程規劃與學習模式。
家:上網頁冇用嘅,間間都講到自己「天下無敵」,又話以「兒童為中心」,點知「教深教快」,一啲都唔錫啲學生;有的話「重視品德教育」,點知啲老師日日把學生鬧個不停,自己毫無品德;課程又話甚麼蒙特梳利,點知學校只係買咗一套蒙特權利教具,老師好日都唔用下,都唔知有冇訓練過。一句講晒,睇果間幼稚園嘅網頁係冇用嘅,水分多到浸死人!