×

Home

 

本地升學文章打印

來自網址: http://www.ohpama.com/?p=400683

升幼攻略 March 12, 2019

【趙榮德】怎樣從「評核報告」認識一間幼稚園

上次和「包頂頸」家長談過用教育局之評核報告找出一間幼稚園之優點,並舉出中西區一間幼稚園作為例子,要求家長自己從中西區找另一間A++幼稚園。家長找了幾天,終於找到了,以下他向我提出怎樣找出學校缺點的問題:

趙為本人 家為家長

家:我睇過中西區的報告,找到一間與「明愛凌月仙幼稚園」同級數的幼稚園,名字為「香港基督教女青年會戴翰芬幼兒學校」,你是否同意?

趙:同意。我在著作《尋找優質免費幼稚園》也給該校A++評級。

家:趙SIR,我明白點樣知道幼稚園的優點,但我點知幼稚園的缺點呢?

趙:缺點個個人觀點唔同,有的家長想子女識多啲英文、學多啲知識,呢種家長便認為更快教更多更深英文的為好學校,但教育局就唔會認同呢種學校的教法。教育局支持均衡活動以「小朋友為中心」的教法,因應佢哋嘅興趣、發展步伐、能力同已有知識,循序漸進來教,唔應該要求小朋友喺K1執筆寫字,亦反對默寫艱深的字詞,背誦或強記學會內容或者作機械式的抄寫。

家:咁是否鼓勵「考試」?

趙:唔鼓勵,最好用「持續評估方式」。即係話如果喺幼稚園評核報告搵到以上各項任何一項,例如喺K1要小朋友寫一頁字,評核組一定在視學報告反映出來,讓學校反省及檢討自己的做法。

家:可否舉例來說明?