【KAN夫人】//成長日記// 對小朋友也要愛如初心
2019-03-13
來到20個月，細細佬真係大個咗好多!
最近更常常整古做怪同蝦家姐仔! （但有時又好鬼friend）
剛剛的農曆新年，帶著兩隻小馬騮周圍去拜年，見到好多親戚朋友，亦有好多差不多同年齡的小BABY，難免會比較一番……
誰誰誰長高了、 誰誰誰會自己吃飯了、 誰誰誰上名校幼稚園了……
要是自己的孩子給比下去，真的會有點不安﹗是不是自己沒做好？是不是自己湊得差？
但每次我都會停一停，深呼吸一下，叫自己別多想……只要小朋友，每天過得開心﹗每天健康地跑跑跳跳﹗每天以禮待人﹗每天有值得感恩的事﹗不就是爸媽最希望的嗎？
我有一個小習慣，每一晚都會同孩子們分享一個當天的開心事，好似﹕「媽咪今日唔使OT，可以早啲返黎陪你哋，好開心呀﹗」
「媽咪今日偷偷地去左食雪糕呀，好好味，下次帶埋你去食丫」
「媽咪今日見到丁丁自己執玩具，覺得你好叻好乖，做得好!」
小朋友就會學識每日去發掘開心事，就算是幾微小的事，都值得分享﹗我問丁丁，今日有無開心事呀？佢會話﹕「媽咪媽咪，我今日去公園見到啲花好靚﹗」
「媽咪媽咪，今日我自己食晒碗飯，係咪好叻豬?」
「媽咪媽咪，樓下姨姨讚我有禮貌﹗我好開心呀﹗」
而細細佬雖然未識講，但聽到我地講嘢，佢都識比個LIKE我~ 又令我開心足一日喔~~~
做父母，其實真的不要太緊張，只要用心用愛，小朋友一定會有正面的成長﹗有良好的心態，哪怕遇到甚麼挫折，都會積極去找解決方法~ 這樣的小孩, 才不怕跌倒喔﹗圖為兩姊弟一齊飲睡前奶，飲完齊齊俾個LIKE我，要我讚佢地叻叻呀﹗救命﹗可唔可以唔好咁可愛~~~ XD * * * * * *
Follow: FB: www.facebook.com/MrsKan.blog IG: mrskan_net (http://www.instagram.com/mrskan_net/)
歡迎聯絡合作: Email: ja20121111@gmail.com http://www.ja20121111.blogspot.hk
作者: Kan夫人。生活雜記
其他文章﹕