×

Home

 

廿四孝熱話文章打印

來自網址: http://www.ohpama.com/?p=401535

爸媽雞湯 March 14, 2019

【Kylife】母親有感 – 當大情人遇上小情人

「女兒係爸爸既前世情人(小情人)、兒子係媽媽既前世情人(小情人)」

以上依句相信大家都會成日聽到,依句說話好多時會用係爸爸同女兒之間既關係,但身為現實中嘅大情人(老婆或老公)心情又會係點呢?

首先我生嘅筋肉寶寶是囝囝,所以我會以我作為媽媽照顧囝囝既角度去睇 。

大情人係由一開始就陪喺自己身邊既人,而且無大情人根本唔會有小情人嘅出現,只不過媽媽同小情人之間嘅連繫早喺確認懷孕就已經開始,經過懷胎十月無數次只有兩個人的互動,心情上的確已經有變化。

好似我自己從無諗過做媽媽之後會有咩變化,不過BB出世後發覺自己對佢嘅重要性,當下母愛就湧出嚟,到宜家大情人成日見到我母愛氾濫,特別係餵奶同埋BB主動攬埋嚟嘅時候。

上面驟眼睇落好正常,只不過問題出現啦!! 最近大情人一直投訴我整個人心思都放在小情人身上,完全無理過佢感受!

我諗唔少媽媽都面對過上述嘅指控,但實際上盡心盡力24小時Standby照顧好小情人係100%出自媽媽既天性同本能,亦都可以講因為最近真係唔少慘劇發生,所以自己緊張都係情有可原;而另一方面,小情人根本未到能夠以言語表達感受既時候,所以媽媽給予適切既回應都係應該嫁!

不過我講完依個答案,大情人依然唔太滿意。 雖然大情人不斷投訴,但我知佢一樣好愛鍚小情人,每次小情人一對住佢笑,佢係即刻勁開心!而且我知道小情人慢慢長大會開始想同爸爸玩,到時候爸爸出動玩具攻勢,我相信小情人會即刻衝上去,所以麻煩大情人宜家比媽媽好好享受同小情人相處嘅時光,而實際上我都好想講「其實我真係好享受宜家同小情人嘅互動!所以大情人請先別呷醋呀!」

 

我哋專頁內爆like post分享

明愛慈善買 X 20蚊BB單車 X 筋肉寶寶新玩具 http://bit.ly/2FbEGnc

筋肉寶寶最新搞笑片段分享

免費放電好去處 X 愉翠苑體育館 X 實拍 http://bit.ly/2VCdByM

免費放電好去處 X 荃灣體育館 X 實拍 http://bit.ly/2NKaDW9

筋肉寶寶 X 初嘗即食烏冬 X 好味味 http://bit.ly/2SIxJNO

淘寶 X 高質 X BB中長款外套 http://bit.ly/2RtFDPn

 

 Kylife與二寶之日常專頁

嚟緊將分享以下有趣資訊!#淘寶分享 #嬰幼兒好物推介 #親子好去處

 

作者:Kylife
 
其他文章:

【Kylife】裝修大小事Part 1️️︳由零開始裝修初接觸! 

【Kylife】BB 1歲生日媽媽有感:BB你長大得太快,媽媽未來得及細味!