告別二○一五年，人人有各自難忘的經歷。早前因捐肝者突然被驗出患腎癌，令肝臟移植手術急煞停，等肝救命的病人李先生（Stephen），病情惡化，命懸一線，但李太和醫護團隊不放棄，公開呼籲市民捐肝，最後Stephen獲屍肝續命。目前Stephen仍留院治療，他接受頭條日報訪問，坦言手術後肌肉萎縮，康復路途漫長。

Stephen表示因長時間卧牀，肌肉萎縮，要重新學習吞嚥、說話和寫字， 手術前重六十公斤，現只有四十二公斤，變成「皮包骨」，上月起接受物理治療，學習走路，但雙腳包裹紗布，曾令他沮喪，「做完手術，唔行得，每日洗傷口見到自己隻腳爛晒，好似被炸彈炸左咁， 諗到自己會唔會無左隻腳！」幸在親友鼓勵下，他努力重新學走路，正逐步康復，元旦日獲准短暫出院回家。他為多謝太太，希望康復後陪她到法國旅行，償她的心願。

感激妻子不離棄

Stephen說病情惡化時，自己神志不清，「完全唔知係生死關頭，聽唔到人講乜，明明擘大眼望住，好似有幻覺，以為自己出左街，喺茶樓，o依家先清醒番。」他說，近來重讀新聞，才知自己臨近鬼門關，最後死裏逃生。　

看著丈夫瀕死等換肝，李太身心疲憊，一籌莫展下，當日哭著呼籲公眾捐肝，希望救回丈夫一命。她接受訪問時說：「有段時間好辛苦，唔知點等落去，一係生一係死，依家知道過左去，放低心頭大石！」

「初初聽到好驚好傷心，醫生話手術唔成功一刻，可以用崩潰來形容，喊得好緊要，淨係諗點可以爭取到生命？」她說，崩潰過後，知道流眼淚無補於事，唯有等待和祈禱，知道當時「最緊要有肝」，於是她主動聯絡傳媒，希望更多人知道丈夫的病情，呼籲公眾捐肝。

生死之際，她感受到丈夫求生意志堅強，為她打了強心針，「我淨係諗辦法可以點做？我捉住佢（丈夫）隻手，覺得佢隻手有力，佢都支持緊，都撐緊，我地兩公婆要同心，先生唔放棄，我都唔可以放棄！」

苦等兩周，終於等到好心人捐出屍肝，李太坦言，當時心情反覆，患得患失，「有陰影，驚會唔會又有咩事發生！」手術後，又擔心後遺症，「可能會無左隻腳，初初驚驚地，好在佢（丈夫）隻腳有感覺，逐漸好番。」

一切正好轉，李太說，深深體會到跟丈夫一起的寶貴時刻，希望丈夫康復後可以出街食大餐，去旅行，「好耐無一齊去啦，佢去邊我都一齊去。」

患難見真情，太太和朋友對他不離不棄，日夜相伴，令他感動，「睇到新聞講太太激動咁喊出嚟，又睇到朋友的留言紙、心意卡，好關心我，好感激，想同太太講我愛你。」

Stephen今年一月發現肚部腫脹，入院檢查才知患上肝硬化，其後演變成肝衰竭，「當時見步行步，我係基督徒，交畀神，不幸會死，都無辦法！」後來，換肝手術突然叫停，等了又等，終於獲贈屍肝，死裏逃生，像發了一場夢，他說：「無諗過會有咁嘅事！」頓然覺得人生「咩享受都享受過」，深深體會人情比物質重要得多。

承諾捐器官惠人

對於威院失誤，他說，曾經埋怨「點解將唔適合嘅肝拎去手術室？」但暫時未考慮追究責任，目標是康復。太太曾向傳媒表示，想與他一起旅遊，Stephen沒有忘記，指康復後最想跟太太去法國玩，且會簽贈器官捐贈卡及做義工，「好感激捐肝的人同佢嘅屋企人……一個人如果肯捐器官，起碼五個人受惠，救番五條命。」

節錄自頭條日報