【趙榮德】新手家長揀幼稚園常犯的五大錯誤

新手家長因為缺乏經驗，所以很易記錯。胡適說過：「告人此路不通行，可使腳力莫浪費。」在這裏我講俾家長知五種選校常犯的錯誤，好讓子女不用虛耗寶貴的時光。

第一 ：「必選名校」
家長會問：「選名校有何不好，子女讀到名校，子女和家長都受人尊敬呀！」此其一。其二為家長認為「讀名幼稚園，才可以升上名小學，讀唔出名的屋邨幼稚園，一定無前途的！」
事實為名校要求必定高，讀得上才會「光宗耀祖」，讀到「牽牛上樹」便全家到「唔知點好」了。還有，除了少數私立小學，大部分的幼稚園沒有與小學掛鉤；所以以為名幼會直升名小，是一個「美麗的誤會」！

第二 ：跟朋友選幼稚園
即係朋友選邊間，家長便選邊間。咁樣做有兩個缺點：一為朋友未必識得點樣選幼稚園；二為就算朋友識得點樣選，佢可能只識得選啱佢個仔女嘅幼稚園，未必識得選啱你個仔女嘅，因為佢未必知道你嘅仔女啱讀邊種幼稚園。最了解仔女都係爸爸媽媽，揀幼稚園係爸爸媽媽嘅職責，仔女一生學習嘅成敗，由幼稚園開始，家長責無旁貸呀！

第三 為選多功課的幼稚園
家長會問揀間多功課嘅學校有乜唔好，教得多先至有多的功課，做多的功課先至會學得多，要仔女學多啲知識有乜唔好？
事實上3至5歲幼兒適宜學多啲技巧，（即係唱歌、跳舞）以及態度（做人與處事），學啲啲知識便夠了，所以功課適宜在6歲以後先做多啲。