×

Home

 

廿四孝熱話文章打印

來自網址: http://www.ohpama.com/?p=412808

爸媽雞湯 April 16, 2019

【湊仔爸與返工媽】大話

「咁細個就識講大話?」

若孩子說出荒誕無比的話,大人就知道那只是浪漫的幻想(童年時逢開窗,便會望見會飛大象),還會讚孩子好想像力。可是,若孩子說出一些似是而非的事情,大人就會大呼「唔準講大話!咁細個就學人講大話!」

阿豬也不例外,他好像未到三歲就開始「講大話」了。

有一晚,我入阿豬房,發現部分窗簾甩了。

「咦?點解呢度甩咗嘅。」我真心問。
「唔係我整甩㗎!」阿豬用此地無銀的語氣回應。
「咁奇怪嘅,唔通佢自己甩?」我平常地問,沒有用質疑的語氣。
「呀~可能係啦……」阿豬很滿意我的猜測。
「咁就真係要搵爸爸檢查下D 窗簾喇,無啦啦自己甩咁危險,一定要全屋檢查。」我邊說邊重新夾上甩了的部分。
「點樣檢查呀?」阿豬問。
「應該要逐粒睇呀,如果有問題就要全部換過曬D夾仔喇,咁爸爸有排忙。」

然後,我們談了其他事情,準備睡覺時……

「媽咪,其實我頭先係唔小心挨咗落D 窗簾度😅,唔係佢自己甩㗎。」阿豬尷尬地說著。
「哦!原來係咁,你講俾我知就好喇,咁唔洗叫爸爸檢查喇。你下次小心D 啦,如果再整甩你又唔夠高,就叫我嚟幫手夾返就得。」

我沒有直接拆穿他「講大話」,也沒有提出「係唔係你整甩㗎」這種陷阱式問題。我只是讓他知道讓大話發展下去會帶來其他麻煩(爸爸要花時間檢查一些根本沒有問題的窗簾)及給他說真話的定心丸(其實整甩了窗簾不是大問題,夾回就好)。說出真話後,讓他知道說出真相是幫了一個忙,我也不會將焦點放在「頭先你講大話」上。