×

Home

 

爸媽Junior文章打印

來自網址: http://www.ohpama.com/?p=413314

談育嬰 April 17, 2019

【Hey 魚B之日常】魚媽之人奶路分享(醫院篇)

相信好多媽媽都希望可以母乳餵哺,俾BB最好嘅營養,但呢樣真係要天時地利人和。

喺魚魚出世之前,我已經決定先試母乳餵哺,唔成功就用奶粉代替。

喺孕期入面我同魚爸都有出席大大小小嘅產前講座,但聽完都係唔記得..:P

好快魚魚比預產期早咗11日出世,喺38週3穿水催生順產..

我係選擇公立醫院(東區尤德那打素),BB一出世助產士已經抱佢埋我身做肌膚接觸,

一路幫手教BB吸啜初乳。

老實講,嗰吓我覺得咩都啜唔到,不過就跟姑娘做..

推完胎盤,聯好針就推上產後病房,休息咗大約一個鐘BB就推咗嚟俾我啦!

東區醫院推行母嬰同室, 可以日夜望住BB個心真係好定。

母乳餵哺係唔需要睇時間,ANYTIME BB需要就埋身俾佢食..

喺醫院定時定候姑娘會入嚟睇你餵成點,睇下BB識唔識啜。

同埋教你睇尿片睇BB食唔食到奶..

第一日魚魚係唔多識啜,搞嚟搞去都食唔到D咩,可能因為肚餓仲係咁喊:(

姑娘有問我想唔想補奶俾BB,我當時想繼續試就話唔需要..

仲不停飲魚爸煲嘅黑豆水希望上到奶。

第二日我仍然努力地埋身,希望BB可以啜多D奶。

到下午換片,發覺魚魚小便有D橙色,搵姑娘就話BB有少少脫水..

嗰一下我都未識驚..依然無補水奶或奶粉,繼續埋身。

到咗夜晚有個資深姑娘入嚟話幫我手擠奶,希望可以俾到BB食,姑娘一擠竟然有30ML。

佢就即時幫我餵BB,嗰晚BB真係喊少咗,因為佢終於有飽奶食啦