【Hello Bonnie 國際親子台】點解你唔叻嘅？

小朋友經常為我們帶來歡樂，思考方法亦甚有哲理。話說有一次，雪雪差不多開始學校假期，我跟她說：「雪雪，你下星期放假了。」 

她問：「咁你呢？」

我答：「我星期六、日先放假呀。」

她再問：「咁爸爸呢？」

我答：「佢都係星期六、日先放假，不過佢忙啲，有時可能佢都要去做一陣嘢。」

她再追問：「點解嘅？」

當時我不為意，隨口答：「因為爸爸叻，好多人都想搵佢做嘢，所以佢有時星期六、日都要做一陣嘢囉。」

沉默1秒後，她再次出擊：「媽咪，點解你唔叻嘅？」 

那一刻，我完全被擊倒。 

雖然被打擊為「唔叻」的媽媽，不過我倒要讚賞這小孩子的邏輯思考能力，早前有文化團體邀請我分享親子共讀心得，當中除了分享一些實用的技巧，例如：對話式閱讀、描述式讚美等外，我更希望鼓勵大家透過閱讀及親子時間，讓孩子成為一個有獨立、批判思考的人。 

「不要趕」(Don’t rush) 是為人父母要經常緊記的事，有四件事，請務必慢慢來，不要趕：

1.不要趕著答 – 我們可以反問：「你覺得呢？」(What do you think?）

3歲開始「點解嘅？點解嘅？點解嘅？」就問過不停，雨天問，點解會落雨嘅？用小朋友故事式回答太陽伯伯、雲姐姐的關係，佢哋就會追問，點解咁多日都唔見太陽伯伯嘅？用科學式回答太陽、水蒸氣、化成小水點時，又會被追問，上升到幾重先會化成雨？

我們經常以為，孩子問「問題」，為的就只是求答案，有時是，有時卻是孩子思考的過程。我建議家長可以在孩子再問「點解嘅？」時，先別搶著問答，而是先問：「你認為呢？/ 你覺得係點解呀？」先讓孩子思考、嘗試消化「點解」背後可能的原因，待他們先想、先嘗試找答案，然後才展開對話。