【小小豬】清熱解毒 - 魚翅瓜螺片雞腳湯
2019-04-21
飄忽嘅天氣令到小小豬個濕疹壞朋友又嚟探佢,仲要起喺塊面上,真係….唉,唔想佢食藥就不停同佢內外兼備,不停搽CREAM又煲竹蔗水俾佢飲。
今日行過街市見到有魚翅瓜,咁佢又有清熱解毒嘅功效,所以就買粒返嚟煲魚翅瓜螺片雞腳湯,等三口子有靚湯飲之餘,又等小小豬飲咗可以清下佢體內嘅毒,趕走佢啲壞朋友~
魚翅瓜屬南瓜種,纖維相當豐富,可以清熱解毒、降血糖、降膽固醇;螺片有滋陰補腎及健肝益脾的功效,同時亦有助調理身體及腸胃;紅蘿蔔補肝明目;粟米治療脾胃虛熱、養胃氣、解毒、除煩熱;淮山健脾開胃、肺氣虛燥及消渴尿頻等症;南北杏可止咳下氣,潤燥消積;百合能夠解毒、安神、治療咳嗽失眠,對女性來說還能夠很好的抗衰老;陳皮理氣健脾、燥濕化痰。(網上資料)
魚翅瓜一個、螺片一両、紅蘿蔔一條、粟米一條、百合一両、淮山一両、陳皮一角、南北杏一湯匙、雞腳約十隻及瘦肉$20~
雞腳及瘦肉洗淨汆水,記得啲腳趾唔好剪,因為剪咗就會係煲湯過程漏咗啲雞油出嚟,咁成煲湯就一定會好油啦~
溫馨提示:
– 由於涉及藥材成分,個別人仕體質會有所不同,所以大家記得煲之前了解下自己,如有疑問,請先向註冊中醫查詢!
作者:小小豬Kinsey
其他文章﹕