【Kylife】筋肉寶寶養育記19M半職媽媽有咩做？日常生活簡單分享
2019-04-25
一直見唔少媽咪分享自己的全職媽咪同在職媽咪的日常生活，今次我都分享我的半職媽咪生活啦！
在4個月前我開始我的半職生活，一星期返四日返八收二，工作地點同屋企距離不太遠，而我同老公公司距離很近，所以我哋每日早上都會一齊步行上班，增加互相的溝通及相處時間，慢慢下來關係的確有改善，而不是每晚在家只說說那一兩句話。
每天收工我馬上回家接力湊筋肉寶寶，如果筋肉寶寶瞓醒我哋就一齊去買餸，又或者我同佢去公園放下電，不過佢次次都玩好耐唔肯走，一抱佢走就爆喊！
大家可能會話咁我其他時間做咩呢？我每日真正有時間做自己嘢就係夜晚或者收工回家後筋肉寶寶仲未起身的時間。雖然每日過得比做全職更忙，亦要兼顧很多部分，不過找到發揮自己興趣的空間，能夠增加自己相關工作經驗，最最重要能夠陪到筋肉寶寶長大，再忙我都會識享受呢！
我知道有部分全職媽咪都想找一份半職工作幫補家計，其實半職工作生活我由懷孕後就已經想擁有，自己能夠賺錢，減少屋企負擔，現時筋肉寶寶快到幼稚園面試階段，所以我為他安排了Playgroup，只不過每月一星期兩天都要接近一千元，現在我亦有工作金錢上我能自己幫他安排，而且又可減少與老公在金錢上的磨擦呢！
所以鼓勵各位全職媽咪如果時間許可亦可嘗試搵搵一份半職，讓自己重拾工作上的自信同快樂呀！
想知道關於餵母乳的問題或公立醫院產檢及分娩，歡迎嚟我專頁PM我嫁！
想睇筋肉寶寶與肥貓寶寶的日常家中玩樂點滴、親子好去處等等，就快D入嚟下面的連結啦！
我哋的Instagram：http://bit.ly/2FMOvqP 我哋的專頁：Kylife與二寶之日常專頁
作者：Kylife
其他文章：
【Kylife】5大方法減低BB便秘機會
【Kylife】流感季節加上九月開學，各位小朋友準備好預防未？簡單５招減低患病機會