【社工爸媽自家教手記】愛仔女要keep好個身體
2019-05-06
今日同大家講一個故事,喺好耐好耐以前,有一個小男孩,佢個名叫做肥仔,
在成長中,從來無運動,只吃肉。所以,佢愈嚟愈肥。
後來,佢長大咗,遇到一個樣唔靚但有智慧的好女仔阿敏,同佢結咗婚。
結咗婚之後,阿敏發現夾菜或者切生果俾肥仔食的時候,佢好似食屎咁難受,
斟杯水俾佢飲,佢好似飲尿咁辛苦。
阿敏非常擔心肥仔的健康,但講咩都無用,
訂高質素的有機水果和蔬菜去吸引佢,都無用。
唯有禱告。
過了11年之後,肥仔與阿敏的孩子已經6歲,有一天,
肥仔陪孩子踢波斷了韌帶,
經歷坐白車、做手術、住院,
終於,因著肥仔對孩子的父愛,轉危為機,
呢個好爸爸深刻反思,未來要陪個仔長大,
要見到佢結婚生仔,加上老婆需要佢,
佢開始多咗食素,有時1日都無食肉,
仲要1星期做幾次gym,
好有紀律早起在上班前做完gym先返工。
現在,肥仔慢慢步入Fit仔的階段,差不多要改名,
愈來愈精神,愈來愈健康。
#父愛
#對仔女的愛要包括keep好自己的身體和情緒
#要陪孩子長大之餘唔好老咗連累佢哋
#太太們加油男人係好難勸得掂的
#飲食習慣要從小培養孩子長大後一定會多謝你
#聖經話在人不能但在神凡事都能
#加埋飲杞子汁食益生菌食加強肌肉的supplements
#健康就好健康就是一切
#有健康咩都做到
#無健康咩都做唔到
作者:社工爸媽自家教手記
其他文章: