【大仁】揸貨車嘆點心@中環Yum Cha
2016-01-11
雖然我不明白為何點心舖門口會有一輛大貨櫃車,既然可以任坐,當然食飯前我不會放過機會啦!!
今日相約老友到中環食點心,朋友問:「係咪食 Little Twin Stars 嗰間?」我答:「唔係,不過都係一樣有 D 得意點心」
這間很 Raw,很新派,很工廈式的「Yum Cha」絶對跟「點心代表」一樣,走不老套的嘆點心方法,就連每人收 $10 茶錢的茶壺,也是用最方便的茶包,真的很西化。
「睇住流奶」$49 … 如果早一年出現會更好,因為早前蛋黃哥也是同一招,已經給人玩嫌了。
朋友說:「人人都玩過晒啦,你仲影乜鬼吖,一啖食咗佢啦 … 個奶黃真係起沙架,唔錯喎!!」對!味道很好,餡料不算少,軟熟輕甜,真的很不錯。
「一籠八戒」$49,豬頭造型的叉燒包,我跟朋友說:「我之前去土瓜灣食過,又係豬頭,不過一籠 2 個係芋泥餡,$15 蚊咋」
切開豬頭,叉燒餡較上次土瓜灣的饀料更少,稀稀疏疏。朋友說:「個包一樣軟熟,餡就係少 D,味道好食就得啦!!同埋 E 度係中環呀,梗係中環價錢啦,唔收你 $69 算偷笑啦」