【天使媽媽】媽媽的興趣班
2019-06-11
媽媽的興趣班
。。。
不知不覺,做咗媽媽12年
仔女細時,一日24小時俾晒佢哋
唔好話私人時間,瞓覺時間都好缺乏
其實我到依家,晚晚都好醒瞓
少少聲都會即刻醒 w(゚Д゚)w
更加不能妄想可以自然醒
就算仔女唔叫醒你,都肯定會嘈醒你
重點係,身體入面好似有鬧鐘
朝朝返學時間就會醒
長期唔夠訓,眼袋就是這樣形成的
。。。
仔女漸大,開始有返少少私人時間
我一向停唔到,總係要忙先開心
最簡單的,就梗係搵嘢學啦
學插花,學煮飯?
學畫畫,學捉棋?
深造日文?返啲補習進修課程?
想消磨時間,但又唔想有壓力
最後,跟咗好朋友去學跳舞
。。。