【和牛b的成長日記】父母反思﹕父母的心靈讀物。幾米《但願有一天你會懂》
2019-06-14
早前都同大家分享過,作為父母嘅反思 「你有因為孩子愈來愈大,笑容而變得愈來愈少嗎?」
有時候,我都覺得動不動就同小朋友發脾氣,已經係去到病態嘅地步。
回想一下,自己都有童年。
好怕父母鬧,更加係唔鍾意添。
我好想改變自己,但每日嘅疲累就會不其然轉化成負能量… 高負能量之下,就忍唔住大發雷霆。
最近行過書局,見到幾米今年新出嘅作品《但願有一天你會懂》。
所以都好想同大家分享,當我一打開呢本書嘅時候,只係頭兩頁嘅內容,就已經打動到我嘅內心,作為媽媽馬上想要哭。