×

Home

 

爸媽Junior文章打印

來自網址: http://www.ohpama.com/?p=432308

談育嬰 June 20, 2019

【Hey 魚B之日常】魚媽之人奶路分享(坐月篇)

上回講完醫院篇,今次就到坐月喇!
魚B係魚媽第一胎,出院後就同魚爸返屋企坐月。
當初我幻想得十分之美好,休息,休息同休息。
但非人嘅生活先正式開始!

魚媽魚爸係新手父母,一心只係靠自己坐月,係三無!無長老幫,無陪月陪,無請工人
返到屋企嘅第一日,就開始照顧BB,除咗不停地埋身餵奶,就係放題屎尿片啦!!
初生BB食得密屙得更密,一日差不多8-10次便便,再加上母乳易消化,便便比較稀
好多次幫魚B換片,都會噴到一地黃金。

經過醫院個幾日,魚B已經開始掌握到點樣啜奶,但因為初生BB一日會瞓好多個鐘
差不多每一次餵奶都瞓下食下,加上掃風換片時間已經用咗接近一個半鐘
執番好啲野,休息半小時,魚B又再愛的呼喚(喊 )
呢啲畫面一日大概重複又重複10次,一日24小時,其實係無可能有充足休息
係剛生產完元氣大傷嘅媽媽而言,真係好崩潰(傷口痛,子宮痛,腰痛等等等….)