| 日期 | 全年適用 |
近日同屋企人一行11人去家庭聚會，人多嘅關係，又有大又細。
對於餐廳嘅選擇都好重要，餐廳要坐得舒服，食物要啱咁多人嘅口味。
食自助餐或者放題必定係最佳之選，但好多放題嘅餐廳空間都好狹小。
食自助餐又有咩好選擇呢？
酒店最平都要$500一位起，唔知大家有冇試過去工廈食自助餐呢？？
位於觀塘嘅「魔膳廚房」，工廈地下再行幾十級樓梯就到正門。
（如果推BB車，會辛苦少少，無Lift到達）
我今次係第一次，感覺都幾新鮮，餐廳裝潢都係舒服，空間感還可以。
我哋6時入座，人流唔多，7時開始坐滿，就有少少迫。