【營爆生活】甜嘢冇好嘢?
2019-08-06
「天氣咁熱,食啲清甜可口嘅西瓜就最好不過啦……但係有人話西瓜咁甜,糖份同熱量一定好高?」等我跟大家探討一吓西瓜的營養成份啦!
一杯西瓜粒(約一百五十克)提供約46千卡;11.5克碳水化合物同0.23克脂肪。西瓜膳食纖維含量雖然不高,卻含有多種維他命和礦物質如維他命C、維他命A、鎂質及鉀質。此外,「紅噹噹」的西瓜更是抗氧化物-番茄紅素的主要食物來源之一!西瓜的含水量高達百分之九十,其實本身都已經清甜爽口又能解渴,但你如想搞搞新意思的話,就可以試吓以下幾種食法:
薄荷西瓜沙冰:將適量西瓜、冰塊、青檸汁及薄荷葉放入攪拌機裏攪拌均勻後,即可飲用!
西瓜士多啤梨雪條:將適量西瓜、鮮檸檬汁及士多啤梨放入攪拌機裏攪拌均勻後倒入雪條模,放入冰格雪約五至六小時,即成!
夏日西瓜莎莎醬:將適量西瓜及青瓜切粒後,加入紅葱頭、墨西哥辣椒(可免)、芫茜、薄荷葉、青檸汁和少許鹽,攪拌均勻後盡快享用!
西瓜同其他水果一樣,不止是大自然的糖果(nature」s candy), 更是很多營養素的來源!只要識揀識食,甜嘢係有好嘢㗎!
作者:陸蕙華
香港營養師協會認可營養師、加拿大註冊營養師
頭條日報授權轉載