清潔床單大作戰:Dyson V11 對決白醋梳打粉

2019-08-15


之前寫過,我覺得最辛苦嘅家務非換牀單莫屬。究竟係咩原因喺無工人姐姐幫手、忙到甩轆嘅時候, 我都仲可以堅持到每個星期換牀單?

 

 

鼻敏感的煩惱

—> 答案開估喇,就係因為老公有鼻敏感(而我同時懷疑佬寶寶都遺傳咗呢個問題)‍♀。其實我唔係唔想懶,只係真係唔懶得。朝朝睇見兩父子喺度打乞嗤、流鼻水,喺我呢個無鼻敏感嘅人嘅角度嚟睇,我簡直覺得佢哋病咗咁。

Dyson V11 對決梳打粉溝白醋
透明儲塵箱 visualise 成果  治愈又有成功感

作為人妻、人母,真係好難視若無睹。唯有自己勤力啲,密啲換牀單,得閒就噴下自家製嘅梳打粉溝白醋殺下菌,尤其係枕頭附近,希望幫得幾多就幾多。但房間窗戶對正繁忙大馬路,人多車多塵更多,其實點會唔知張牀好污糟?之前都聽過有啲塵蟎吸塵機幫到手,但始終無睇過效果,就一路都無放在心上。

今日下午Rainbow姨姨帶咗部 Dyson V11 嚟我屋企「對決」,個效果真係唔睇過都唔信!佢哋下午2時來,我朝早10時先特登抹完張牀嚟咋!點知 Rainbow 姨姨輕輕吸咗幾下,已經吸咗一堆麈同塵蟎,好誇張!(其實誇張得來又幾爽的。睇住個透明嘅儲塵箱捲起一堆堆塵同塵蟎,好似細個去嘉年華食棉花糖嗰架機咁 ,真係幾治愈)而佢 visualise 個成果你睇,又真係幾有成功感!你知啦,家庭主婦,由朝忙到晚其實都唔知忙咗啲乜,大汗疊細汗買餸煮飯搞一大餐,最後半小時食曬落肚就乜都睇唔到。趁返咗學清潔地板嗎?放學唔洗兩分鐘就打回原形。呢個透明儲麈箱真係好俾到啲成就感我哋啲家庭主婦!

一鍵操控  無線設計
拍埋牆邊的牀都輕易吸到

呢架 Dyson V11 最好就係易用同無線。對於操控機械如文盲嘅我都識用,㩒一個掣就搞掂晒。另外,無電線設計真係啱晒我呢啲一間房擺幾張牀連門都開唔晒嘅家庭使用,唔使吊住條電線,連妹妹子拍埋牆邊嘅床都輕易吸到!

對決完之後,兩個小朋友就午睡。我同平時一樣開咗部空氣清新機,之後就出廳自己温書啦。到佢哋起身我入房,原來用 Dyson V11 吸完之後再開埋部空氣清新機,啲空氣真係有唔同味,係少咗一陣噏味。(可能無咗啲皮屑?)妹妹子仲用鼻子索一索,說:「嗯,好清新呀!」呢樣嘢之前真係無諗過。

好啦,為咗一個已確診鼻敏感同另一個懷疑鼻敏感嘅情人,我都要添置返一部Dyson V11看門口。希望兩個睇少幾次醫生,條數可以喺返度。

 

作者: Candy

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08