【開學換新衫】UNIQLO抵買優惠 童裝內衣襪仔$79/4件
2019-08-16
小朋友新學年又大一歲,衫褲鞋襪好快唔啱著,加上佢哋成日玩到身水身汗,一定要買定多幾套方便替換。趁UNIQLO做緊開學優惠,爸媽係時候入貨,其中童裝內衣褲同襪仔最抵買,計落唔使$20就有一件。小朋友有新衫返學,特別精靈醒神喇!
1/ 童裝棉質內衣(2件裝)(原價$59,優惠價$79/2包)
以下幾款童裝內衣以100%棉質製成,質感柔軟乾爽,加上寬鬆衣領同無接縫側邊設計,大大提升舒適度,無論返學定出街都啱著。
2/ 童裝襪仔(2對裝)(原價$59,優惠價$79/2包)
除咗返學必備純色襪,仲有其他長度同圖案款式嘅襪仔選擇,方便因需要配搭唔同造型。腳踭同腳尖位仲有加固縫線,令襪仔更加襟著,適合鍾意跑跑跳跳嘅小朋友。
3/ 童裝內褲(3件裝)(原價$79,優惠價$59)
內褲最怕有繃緊感覺,UNIQLO童裝內褲採用觸感舒適嘅棉質物料,質地厚實,反覆洗滌亦唔易變形,而且款式豐富,想著純色或圖案款式都可以!
4/ 抗UV V領開胸針織外套(原價$99,優惠價$79)
室內長期開住冷氣,記得幫小朋友準備件薄外套,避免返學凍親。好似呢款針織外套,有抗UV功能,室內外都啱著,仲可以用洗衣機清洗,小朋友點玩都唔怕啦!
5/ 超彈性運動套裝(原價$149,優惠價$129)
除咗返學衫褲,爸媽仲可以優惠價入手長袖運動套裝,超彈性舒適物料,方便小朋友走動,啱晒外出郊遊或做運動,當作居家睡衣著亦得!
了解更多:UNIQLO開學優惠