《給家長溫馨既提示》: 寒冬小朋友上學著衫篇
2016-01-27
《給家長溫馨的提示》
相信大家依家都好凍，
我都係，
但睇天氣報告都知，
星期一小朋友返學的時候仲凍。
我們做老師的，
都已預測到，
星期一見到小朋友的時候，
佢哋一定著到成隻糉咁，
又或只會見到佢哋對眼。
當然，
天氣凍，
小朋友保暖好應該，
不過希望家長都好好咁聽下勸告：
幫小朋友著的，
最好方便除，
因為學校真係唔會凍，
你諗下，
一個班房成30幾人，
有時真係幾侷添，
你有幾可見老師放學時，
著晒褸同戴頸巾？
多數老師不是短袖，
就是將長袖衫拉高，
又或只著長袖衫…
加上小朋友成日周圍走周圍玩，
我通常都見佢哋熱到成頭汗，
要老師幫佢哋除…
但自問好多時都唔敢除…
因為佢哋已經出晒汗，
怕一除衫小朋友攝親…
而且著得多，
小朋友活動亦唔方便，
好多時佢哋去洗手間真係連褲都著 / 除唔到…
所以呢，
家長可以考慮，
一件HEATTECH / 羊毛底(可加底衫)，
之後就著校服 / 運動衫，
(我諗咁凍學校都唔會強迫你著校服裙，應該都俾著運動衫)
之後就加學校件外套，
之後你可以加你喜歡的羽绒、棉襖、冷衫、頸巾、手套等，
大大少少形形式式的衫…
最後唔該在出面著番學校校褸，
因為始終都係返學，
唔係去街呢！
咁樣，
小朋友就唔會著太多，
你又確保佢唔會凍。
希望大家都明白啦，
小朋友太熱其實都好慘…
學校真係唔會凍得去邊架!!!!!!!!!!!!!
如果真係凍…
老師一定仲緊張過你!!!!!!!!!!!!!!
大家都要小心D，
好好保暖，
唔好凍親呀!!!!
睇下星期一大家的小朋友點著啦!!!!!
作者: Vvinnie
www.facebook.com/thevvinnie