【趙榮德】「媽咪，我想做王子，唔想再做大樹！」
2019-08-29
這是個真實個案。
這個案告訴我們，忽視中文而要讀主流學校的後果；「重英輕中」的家長宜細讀。
在喇沙書院教書時某一日，學生會出版部主席A同學前來訪問我，那時尚未有手機，故此A同學仍用錄音機，邊錄邊用筆記下我們的談話。
在休息時段，我偶爾望到A同學在紙上寫的字體，不看尤自可，一看嚇了我一驚：
「咦，你的中文字寫成東歪西斜，好難睇喎，點解咁嘅？」我問。
「Sir，我學咗六年先至寫到呢啲字，我已盡全力㗎喇！」A同學無奈的說。
「點解你唔學一下寫靚啲中文字呢？」
「Sir，講起來一匹布咁長，我爸媽在八九民運，驚局勢不穩，從香港移民去澳洲，我便是喺果時出世，本來澳洲生活愉快，我們預備長住，所以爸媽日夜都講英文，冇理中文。誰知發生一件事！」
「發生乜嘢事？」
「話說澳洲間小學每年都演出一大型音樂劇Musical俾家長睇，該劇由老師揀學生參加，我因為高大，年年都入選，但奇怪的是，我年年都只被派演企喺台上不用說話，不用走動的大樹。你可以想像，我一動也不動三年企喺台上幾咁悶。第三年，我終於忍唔住，對媽咪講：「我想做王子，我唔想再做大樹，媽咪！」媽咪向學校反映，學校話那是委員會的共識。媽咪感覺學校歧視中國學生，為了使我做王子，所以「回歸」香港。」
「回歸香港？你有英文冇中文，點樣搵小學讀？」
「Sir，你講得啱！媽咪唔想我讀國際小學，因讀這種小學將來要再去外國做大樹。所以要搵主流小學報插班，但所報香港嘅主流小學，都一定要我識讀識寫中文，所以全部都唔肯收我，到最後，有一間肯伸出『同情之手』，果間就係保良局陳守仁小學。但陳守仁當時亦都重英輕中，但我得到教訓，知道要讀主流中學，就一定要識讀識寫中文。因此，由四年級開始讀寫中文，勉強於中一考入喇沙，但因為中文這科，年年把我成績拉低，Sir，呢的字，就係我這幾年努力自學的結果！」A同學一口氣敍述他「永不放棄」，努力做到最好的故事。
「聽你咁講，我好欣賞你勇於接受挑戰的精神，雖然你中文寫得麻麻，但只要繼續努力，有時間睇一些教人點樣寫好中文字的参考書，一定可以進步，寫得更好。我地繼續訪問。」我說。
「多謝趙Sir！」
因為中文程度比較差，A同學結果要讀多一年才入到大學。
個案給我們的教訓是，要入讀大學，一定要中英並重，如重英輕中，會後患無窮！
作者︰趙榮德
其他文章：