【田園遊樂場】$80任玩! 親親大自然+超多放電遊戲!
商場怪逛得多商場, 有時也想帶SY去親親大自然, 網上見到有一個好玩的「樹屋田莊」又可以耕田, 又扮泰山…好玩喎! 不過…. 看看價錢, 每位$168 (大小同價), 嘩! 原來綠色低碳代價也不菲喎, 窮等仁家好不捨得喔.
偶然見到朋友上載了另一綠田園遊樂場, 雖然同樣需要收費, 但只是$80一位, 遊戲設施更加吸引, 於是相約悅悅家齊齊開心玩盡「假日農場」
農場內有6個超好玩原始遊戲, 直情抵玩過AIA, 驚喜過WE!嘩, 滿足過東華, 真的一張門票, 5小時玩到笑.
遊戲1:阿拉飛氈(刺激度: ★★★★★)
超傾斜, 超音速度, 有理由相信起碼超過70度. 個心真‧離一離. 我覺得仲刺激過東華個紐約滑梯, 只是滑梯太短, 人龍太長, 我只玩得一次.
遊戲2:親子樂飛馳(刺激度: ★★★★☆)
傾斜大約50度. 因為玩阿拉飛氈, 有心理準備, 所以驚的只是細胆SY…我說:「好玩呀!又無飛氈咁驚, 再玩囉」SY答:「你自己玩啦, 我好驚」