【惜飲惜食】用剩薯仔整韓式拉絲煙肉薯仔餅

爸媽有冇試過：買薯仔煮餸，剩低一、兩個，放得耐怕發芽，唔知整乜好？發芽薯仔有毒素，不宜食用，所以要趁未發芽前快快用咗佢，宣揚「食得唔好嘥」嘅美德。今次教大家用剩薯仔，混合煙肉及水牛芝士碎製作薯仔餅，加多啲芝士，拉絲效果更明顯！

越拉越芝味煙肉薯仔餅（4人分量）

材料：

薯仔1個、水牛芝士碎 (Mozzarella Cheese) 100克、煙肉3-4片、粟粉4湯匙、水4湯匙、萬歲粟米油

調味：

少許鹽

做法：

1)薯仔去皮，切條，浸泡一會。

2)煙肉切小塊。

3)薯仔條瀝乾，拌入煙肉、芝士碎、鹽，逐少加入粟粉，至薯條表面呈濕潤，可視乎需要加入少許水分。

4)下油鑊，煎至兩面金黃香脆，即成。

營養小貼士：
1)當薯仔受光線照射，就會產生大量配糖生物鹼，當中以發芽地方積聚最多。這些毒素對人體有害，即使高溫烹調都不能去除，因此建議薯仔發芽還是不吃好了。想減慢薯仔發芽速度，可放入紙袋，一來減少光線照射，二來又可保持乾爽。

2)萬歲粟米油全天然、無膽固醇、無添加劑及防腐劑，含有豐富的多元不飽和脂肪酸及維他命E，特別適合煎炸食物。

▲萬歲粟米油(左起) 3.5公升及900毫升

了解更多：萬歲粟米油