×

Home

 

爸媽Junior文章打印

來自網址: http://www.ohpama.com/?p=458472

談育嬰 September 11, 2019

【80後手作媽媽】分享滿月戒夜奶心得

同媽媽們傾計時好多時都會提到點樣讓BB可以滿月就戒夜奶,我自己作為一個新手媽媽都真係好concern呢個問題,一來BB可以一覺瞓天光瞓嘅時間可以增加,二來就係自己都唔會咁辛苦,很好彩,小Sheryl真的一滿月就自動戒咗夜奶,而我亦無刻意迫佢,就自自然然一滿月就戒了夜奶,到而家2個幾月了,一直都係夜晚十點或十一點倒食完果日嘅最後一餐,就一覺瞓天光到第2朝6點幾7點到就起身,當中究竟有D咩小竅妙? 今日就想同大家分享下我嘅小心得~

由一開始我就一直都做以下嘅動作:

1. 每晚餵果日的最後一餐奶時我都會熄燈,只開小夜燈餵奶

2. 白天我會開窗簾俾太陽曬入來又或者開燈,夜晚我就唔會開咁多燈,俾BB知道白天同黑夜嘅分別

3. 白天我會讓佢定時飲奶,例如每3-4小時,就算佢瞓咗覺直到最多5小時我都會叫醒佢食。滿月前,我都一定會餵夜奶,有時如果深夜無叫,過咗5小時我都會叫醒佢食; 但滿月後,我就唔會叫醒佢,有時深夜佢會發出D Ka Ka聲,我都唔會即刻理佢,因為佢有時會瞓番,直到有一夜,佢Ka Ka咗2聲,我無理佢,佢就一直訓到第2朝先起身叫肚餓,自呢夜開始佢就正式戒咗夜奶了。

4. 夜晚瞓覺我會幫佢穿包被加暖肚帶,讓佢有個溫暖的環境瞓一覺好的。包被方面我會選擇背心拉鏈款的,因為小Sheryl動作好多又大力,如果用就咁係一塊方布包果種跟本踢2,3下就踢開咗塊方布,對佢來說真係無咩用,所以用拉鏈果款就一定踢唔開。另外,暖加埋肚帶除左幫肚仔保暖外,仲有個好處就係貼緊佢心口,等佢就算紮醒時都有嘢護住心口唔會驚驚。中午後我就唔會用包被同暖肚帶,慢慢佢就會知著好包被就係要好好瞓覺啦!