【娛圈有愛】姐級藝人報紙包錢助渡難關 林子博感謝 Sammi古仔救老婆
2019-10-11
^人間有情 ,林子博透露工作已排至農曆年令太太好安心。
林子博為了照顧罹患極罕癌症「平滑肌肉瘤(腹腔)」第4期的老婆董燕君(Shirley)及一對年幼子女,心力交瘁,同時間合作十年,約滿TVB後無得留低。幸好娛圈有愛,本周三晚(9日),TVB《娛樂新聞台》監製張志明率一班主播跟林子博食火鍋Farewell,他有感而發說:「我冇怪過TVB,主持娛樂新聞咁多年為我帶嚟人脈,喺呢件事上好幫到手,唯有講句江湖再見!」因為醫藥費昂貴,他坦言,鄭秀文、張衛健及古天樂等,甚至在TVB極具地位嘅姐級藝員都有出錢出力助他渡難關,所以生活費及太太醫藥費暫時OK,大家可放心。
^陪妻抗癌 ,子博太太於今年4月患癌,癌細胞擴散到肝臟、胰臟、肺、淋巴同背脊。個病超罕見,平均10萬人僅有一個病例。
繼「A記同學會」鮑起靜、江美儀、袁文傑、蔡國威、陳煒及陳啟泰等設飯局為兩公婆打氣外,TVB高層張志明都有情有義,林子博點名讚揚說:「當年東亞衛視執笠我冇嘢做,佢一手一腳帶我入TVB。我唔係生意人,但明白作為一個企業,冇收入何來有開支?我會抽離啲睇返成個大環境,只不過我咁唔好彩,呢段時間屋企有事啫,希望唔好再黑落去!」
^感動Farewell: 本周三晚,TVB《娛樂新聞台》監製張志明率一班主播跟林子博在將軍澳酒樓食火鍋Farewell。