【趙榮德】「自行分配學位」放榜前兩大疑問

本年度小一自行分配學位，將於十一月十八日公布結果，有家長前來詢問兩個有趣兼實際的問題。以下為本人給家長解答的內容，有興趣知道放榜後引伸的「疑難雜症」，請詳細閱讀：

趙為本人   家為家長

家：趁仲未放榜，請教趙sir一個假設可以嗎？

趙：可以

家：假如在放榜前，發覺先前揀選的學校B。原來冇想像咁好，發覺另一間A好過佢好多，我想知道，如果個仔喺自行分配成功被派日校，可否放棄，喺遲啲統一派位申請A校？

趙：你提出嘅問題牽涉小一入學一個「參加資格條件」，嗰個條件就係「從來獲派小一學位」，呢個條件無形中否決了你再申請另一小一學位嘅資格。即係話，任何參加小一派位嘅學生，只會獲派一個小一學位，你如果放棄呢個學位，就不會再獲派另一個小一學位了！

家：咁如果我個仔第一次參加小一派位係五歲八個月，獲派一間津貼小學，但我放棄咗，可否於翌年，六歲八個月在自行分配再次申請揀選我的心儀小學？

趙：根據小一入學指引，你可以申請，但你的子女不會獲派第二個學位，你可以替子女申請直資或私小呀！

家：咁如果揾唔到直資或私小，個仔豈不是冇書讀？