發文控訴中TG苦況 黃澤鋒妻慘被抽Job兼攻擊
2019-11-21
今年7月，黃澤鋒太太陳麗麗以52歲高齡誕下囡囡「小黃妃」，兩公婆開心到飛起，乜都以寶貝女為先。家住屯門的他們，全家中晒催淚煙，「小黃妃」食人奶後，搞到身體出晒紅疹，又痕又痛又忟憎，兩公婆睇見就心痛。
日前陳麗麗喺社交網站發文控訴：「點解？你可以有裝備去應付！點解？平民百姓就要赤條條去受這痛楚！」
事後她被惡意攻擊，有人inbox閙她：「係咪老懵咗？定產後抑鬱發作？」亦因為風頭火勢，部分Job都被Cut，非常無辜。
^黃太左胸出咗一撻撻紅疹，她形容好滾好㷫好痕好痛，畀當日陀B時出的妊娠疹痛得多。另耳背都係紅疹重災區。