| 日期 | 全年適用 |
同事問：「阿仁你年初一去邊呀？」，我想也不用想：「大埔林村許願樹」。因為連續 7 年，新正頭都是同一活動，已經成為農曆新年大仁生活啦。
自從前年發現大年初一，大埔林村許願人數不多，又不用排隊等巴士，所以今年我們也是大年初一向林村出發。
SY：「點解年年都要去許願樹？我唔想去，因為會暈車浪…」其實新正頭，有特快 63R 巴士攻略，25 分鐘超音速直達許願樹，砵仔糕都未食完已經到。
註：對！對！對！忘記說巴士站行人隊道內的砵仔糕檔，必定是坐巴士良伴首選，每次經過大埔墟，不光顧砵仔糕叔叔一定周身唔舒服。質素讚爆！！
一落巴士，後面即有「巴膠」大叫：「猴年巴，全港得 2 架咋…快 D 影啦」基於怕蝕底心態，我都即時叫SY埋位。SY：「爸爸！！巴士都好影？」(梗係啦！！猴年行運攻略吖麻)
今年較去年遲來了一句鐘，(16:25才到許願廊)，人潮明顯旺場…心諗：「早知早 D 嚟啦!」阿太：「車！鬼叫你瞓到咁晏咩？仲話咩攻略，你出年早 D 嚟就係攻略啦」(係啦…知啦)
今年是「第6屆香港許願節」，我反而欣賞大會，(可能)吸引了去年的批評，即使脫離政府資助，自負盈虧，也不應太商業化。終於今年敲敲鼓，不需要捐獻啦！！
去年羊年，場內有 $45 兩件燒羊架，今年最期待的猴子腦沒有出現，SY：「爸爸！！你唔好講笑啦」
我：「係喎：猴年…我哋唔應該帶布甸狗嚟，你帶早咗 2 年喎」，抱到布布實一實的 SY：「咁我又唔鍾意馬騮, 我只係鍾意布布咋」
往下頁：許願寶牒及蓮花