冬天手腳冰凍 8個貼士踢走「凍柑」
2019-12-08
唔少女士一到冬天就會手腳冰冷,尤其呢幾日,有朋友仲話出街同男朋友拖手都俾人話隻手似雪條。不過只要依照以下方法,持之以恆,就可以改善手腳冰冷問題喇。
1.食飯、飲溫水:好多女仔怕肥而唔食含澱粉質食物,令身體無法有效產生熱量。另外,亦有人出街食飯時鍾意飲凍飲,但其實飲溫水可以保護消化道,亦有助促進血液循環。
2.泡腳:將腳泡於40度左右熱水之中,水過腳踝。浸泡約20分鐘後應該會感覺到全身發熱,就代表體內血液流通,改善血氣。
3.按摩穴道:有四個穴位要記得,分別是腳心湧泉穴、手心勞宮穴、大腿根部內側的氣沖穴、後腰脊椎兩側的腎俞穴。反覆按摩幾次,就會感覺到體內氣血翻騰,有暖流直通腳底。