日期 | 全年適用 |
成日話:讀萬卷書,不如行萬里路……
小朋友的確係需要四圍走走,
睇下外面千其百趣嘅世界。
年廿八嘅早上,
陪太子讀書,
出咗去花市,銅鑼灣半天遊。
好,去相!
即興約國王媽媽一齊漫遊花市,
哈,又俾我約到喎……
4隻小馬騮,浩浩蕩蕩,super fun!
途經紅人100毛,
梗係要影影相,留留念啦!
出發去花市之前,
已經同兄弟二人講好咗,
每人可以買一樣嘢,
提咗佢哋,真係好想買、好鍾意,先扑槌買。
一向鍾意食菠蘿包嘅細恅豬,
行唔夠八分鐘就決定要買菠蘿油攬枕啦……
問咗佢兩次,你係要呢個啦嘛?買咗,一陣遇到更心愛嘅,就冇得買架喇!
佢點頭示意要買……
結果,買咗唔夠兩分鐘,佢就話,我唔想要呢個!!!!!
真係俾佢激死……
然後,再嚟天意弄人,
再行多五分鐘,竟然遇上細佬豬嘅一生中最愛 ─ 巴士站。
細佬每日就係坐904或者905巴士返學的,
而且,佢一向鍾愛巴士,
即使我同爸爸都覺得佢一定會好鍾意呢個巴士站,
可惜,佢已經買咗菠蘿油鳥……
由細到大,細佬豬都是脾氣仔。
遇到一生中最愛,卻不能擁有,
梗係發.爛.渣啦!
哥哥可能大個仔啦!
明白事理好多,亦知道選好咗,就唔再扭買嘢,
good!!!!
幸好,扭咗一陣,
細佬知自己衰咗,就收聲啦!
話名行花市,梗係要帶佢哋見識一下年花啦…
大家都好鍾意五代同堂,
造型太可愛啦!
今年桃花亦都好靚呀!
下一頁 – 大坑遊蹤